Мемлекет басшысының Жарлығымен сыртқы саясат пен халықаралық қатынастар саласында бірқатар кадрлық өзгерістер орын алды, деп хабарлайды Jambylinfo.kz 

Алдымен Ержан Хозеұлы Қазыхан Қазақстан Республикасы Президентінің халықаралық мәселелер жөніндегі көмекшісі қызметінен босатылып, Женева қаласындағы (Швейцария) Біріккен Ұлттар Ұйымының бөлімшесі мен өзге де халықаралық ұйымдар жанындағы Қазақстан Республикасының Тұрақты өкілі болып тағайындалды. Бұл лауазымды бұған дейін атқарып келген Ерлан Алтынбайұлы Әлімбаев өз қызметінен босатылды.

Сонымен қатар Мемлекет басшысының Жарлығымен Мұрат Әбуғалиұлы Нұртілеу Қазақстан Республикасы Президентінің халықаралық инвестиция және сауда ынтымақтастығы жөніндегі көмекшісі қызметіне кірісті. Ол жаңа тағайындауға байланысты бұрынғы қызметінен босатылды.

Маңызды өзгерістердің бірі – Ермек Беделбайұлы Көшербаев Қазақстан Республикасының Сыртқы істер министрі болып тағайындалды. Бұған дейін ол басқа мемлекеттік лауазымда қызмет еткен.