"Жаным Айдос, қанша жүрегім ауырса да мен сені құтқара алмай жатқан жерге келдім. Күнде бір үмітпен келемін осында. Қанша адамды құтқардың, бірақ сені ешкімнің құтқара алмай жатқанына жүрегім ауырады. Бүгін алпысыншы күн. Бір үмітпен жүрмін. Алла Тағала сенің басыңа барып құран бағыштауды нәсіп етсінші деймін. Саған иттік жасағандарды, аруағыңды қорлағысы келіп тұрғандарды бір Аллаға тапсырдым", – дейді Нұрсұлу Шәймерден.

Осы бейнеүндеуінің астына ол президент Қасым-Жомарт Тоқаевтың, оның кеңесшісі әрі баспасөз хатшысы Берік Уәлидің және еліміздегі танымал журналистердің аккаунттарын белгілеген.