2025 жылдың 27 маусымынан бастап Қырғызстанның Asman Airlines әуе компаниясы Қазақстан бағытында тұрақты рейстерді бастады, деп хабарлайды Jambylinfo.kz 

Ал 3 шілдеден бастап бұл бағытта тағы бір әуе компания – қазақстандық Fly Arystan да жолаушыларды тасымалдай бастайды. Оның рейстері бейсенбі және жексенбі күндері жүзеге асырылады.

Осылайша, жаз маусымында Алматы мен Ыстықкөл арасына аптасына 4 рет тікелей ұшу мүмкіндігі пайда болып отыр.

Жаңа бағыттың ашылуы Қазақстан мен Қырғызстан арасындағы туризмді, сауда-саттықты және іскерлік байланыстарды дамытуға серпін береді.

Айта кетейік, Көлік министрлігінің Азаматтық авиация комитеті халықаралық бағыттар санын арттыру және ұшу географиясын кеңейту бойынша жүйелі жұмыс жүргізіп келеді.