Целиноград ауданының прокуратурасы автожол саласында қаражатты тексере келе,  Қоянды ауылының көше желілерін күрделі жөндеп, салу кезінде жерглікті атқарушы органның бұрынғы басшысы кәсіпкермен сыбайласа отырып,  1,2 млрд.теңге сомасына бюджет қаражатын ұрлағанын анықтаған.

Аудан прокуратурасы тіркеген 2 қылмыстық істі сотқа дейін Ақмола облысының прокуратурасының арнайы прокурорлары жүргізген.

«Іс қозғалған кезде Біріккен Араб Әмірліктерінде болған Целиноград ауданының жергілікті атқарушы органының бұрынғы басшысы қамауға алынған. 1,2 млрд теңгеден астам көлемінде келтірілген залал толық өтелді, тергеу қорытындысы бойынша қылмыстық іс сотқа жіберілді», - деп хабарлайды Ақмола облысының прокуратурасы.

2024 жылғы 12 ақпанда осы тұлға Целиноград аудандық сотының үкімімен ҚК 361-бабы 4-бөлігінің 3-тармағы бойынша өмір бойы мемлекеттік қызметте қызмет атқару құқығынан айыра отырып, бас бостандығынан айрылды.