Polisia.kz сайты хабарлағандай, Ішкі істер министрлігінің республика бойынша өткізген операциясы кезінде 900-ге жуық кәсіпорын мен мекеме тексерілген.

“Операция кезінде 230 адам, оның ішінде 48 медицина қызметкері әкімшілік жауапкершілікке тартылды. Сақтау ережелерін бұзғаны үшін 43 кг есірткі және психотроптық заттар, 9 мыңнан астам дәрі және медициналық препараттардың 15 мыңға жуық ампуласы тәркіленді. Мысалы, елордадағы медициналық ұйымдардың бірін тексеру кезінде есірткі құралдарын сақтау және жою ережелерінің бұзылғандығы анықталып, 350 ампула морфин тәркіленді”,-деді ІІМ ресми өкілі Шыңғыс Алекешев.

Заң бойынша мұндай құқық бұзған тұлғаларға 160 АЕК мөлшеріне дейін айыппұл немесе 40 тәулікке дейін қамауға алу түріндегі жаза қарастырылған.