Ұлттық тестілеу орталығы Қазақстан азаматтығын алғысы келетіндер үшін тестілеу мерзімдері мен ережелерін жариялады, деп хабарлайды Jambylinfo.kz 

Тестілеуге өтініштер 2–10 қыркүйек аралығында app.testcenter.kz сайтында қабылданады. Сондай-ақ өтініш UTO қосымшасы арқылы да берілуі мүмкін. Емтихан 11 қыркүйекте өтеді.

Емтихан үш блоктан тұрады:

Қазақ тілі бойынша тест – 30 тапсырма, өту үшін минимум – 15 ұпай;

ҚР Конституциясының негіздері бойынша тест – қазақ немесе орыс тілінде, 40 тапсырма, өту үшін минимум – 20 ұпай;

Қазақстан тарихы бойынша тест – қазақ немесе орыс тілінде, 30 тапсырма, өту үшін минимум – 15 ұпай.

Барлық тапсырмалар бойынша максималды ұпай – 100. Өту үшін кемінде 50 ұпай жинау қажет. Тестілеу ұзақтығы – 2 сағат 10 минут. Мүгедектігі бар адамдарға қосымша 30 минут беріледі.

Қатысу бағасы – 14 693 теңге. Сонымен қатар, Ұлттық тестілеу орталығы сынақ емтихан нұсқаларын ұсынады: тегін – сайттағы "претенденттерге" бөлімінде, ақылы – app.testcenter.kz сайтында "пробный тестілеу" бөлімінде, бағасы – 3 355 теңге.