Бүгінгі таңда негізгі дәнді дақылдар бойынша 5,4 млн гектардан астам дәнді және бұршақты дақылдар жиналды. Орташа өнімділігі 14,7 ц / га болған кезде 8 млн тоннаға жуық астық бастырылды, деп хабарлайды Jambylinfo.kz

Мәселен, бидай 3,7 млн га алқапта жиналды, өнімділігі 14,2 ц/га 5,4 млн тонна бастырылды, арпа — 1,2 млн га, өнімділігі 15,8 ц/га 1,9 млн.тонна бастырылды, сұлы — 99,4 мың га, өнімділігі 14,7 ц/га 145,9 мың тонна бастырылды.

«Биылғы жылы майлы дақылдар орташа өнімділігі 10,2 ц/га 67,3 мың га алқаптан жиналды, 68,6 мың тонна бастырылды. 41,1 мың гектар алқаптан 260,4 ц/га өнімділікте 1 млн тоннадан астам картоп жиналды, көкөніс дақылдары 77,4 мың гектардан 242 ц/га өнімділікте 1,9 млн тоннаға жуық жиналды», — делінген хабарламада.

Бақша дақылдары 92,4 мың га алқаптан жиналды, өнімділігі 252,9 ц/га, жалпы алым 2,3 млн тоннадан асты.

Егін жинау науқанына 149,9 мың трактор, 37,6 мың астық жинайтын комбайн, 14,9 мың орақ және 195 мың бірлік басқа техника жұмылдырылды.

Естеріңізге сала кетейік, көктемгі егіс және егін жинау жұмыстарын жеңілдетілген қаржыландыру көлемі 580 млрд.теңгені құрады, бұл өткен жылдармен салыстырғанда 3 есе көп.

 Бұған дейін Алматы облысы астық жинауды аяқтауға жақын екенін жазған болатынбыз. Егін жинау науқанын өткізудің барлық мәселелері ерекше бақылауда.