Қаңтар айында Қазақстанда  1,1 мың тонна өңделген кофе мен шай сатылған. Бұл өткен жылмен салыстырғанда 9,2% - ға аз,- деп хабарлайды Jambylinfo.kz

Ұнтақ сусынның ең үлкен 578 тонна  айналымы Алматыда тіркелген. Бұл бір жыл бұрынғы көрсеткішке қарағанда 4,1% - ға артық. Одан кейін Алматы облысы (228 тонна) және Шымкент қаласы (227 тонна). Өңделген кофе мен шайдың қалған көлемі Қарағанды облысында (47 тонна) және Астанада (1 тонна) сатылған.

Статистикалық деректерге сүйенсек, тұтынылған көлемнің жартысынан көбі жасыл және қара шай болған. Бұл - 602 тоннаны құрап отыр. Сонымен қатар кофе алмастырғыштар, сығындылар, эссенциялар мен концентраттар өндірісі 224 тоннаны, шай немесе мате негізіндегі сығындылар, эссенциялар, концентраттар мен өнімдер — 166 тоннаны, шөптер мен жеміс шайының инфузиясы — 59 тоннаны, кофеинсіз қуырылған кофе мен кофені — 31 тоннаны құрады.

Былтыр аталған секторда төмендеуі байқалып,  елімізде 17,3 мың тонна өңделген шай мен кофе өндірілді. Сонымен қатар, сол кезеңде импорт көлемі 49,4 мың тоннаны құрап, бір жылда 3,1% - ға азайды.

Нәтижесінде, өткен жылғы қаңтар–желтоқсан қорытындылары бойынша жергілікті компаниялар өңделген шай мен кофеге сұраныстың 26% -ға қамтамасыз етті. Бұл іс жүзінде бір жыл бұрынғы (26,1%) көрсеткішке сәйкес келеді. Қаңтар–желтоқсан қорытындысы бойынша ішкі нарықта сату көлемі 56,1 мың тоннаны құрады. Өткен жылмен салыстырғанда бұл 7,5% - ға аз.