Әскерден мүгедек күйде оралған сарбаздың еміне халық 218 млн теңге жинап берді, деп хабарлайды Jambylinfo.kz

Бірнеше күн бұрын ауруханадан шығарылған сарбаз қазір үй жағдайында ем алып жатыр. Бүгін журналист Айдана Үсенбай әлеуметтік желідегі парақшасында сарбаздың еміне 218 млн теңге жиналғанын жазды.

• Әскерден мүгедек боп оралған солдатқа халық 218 млн теңге жинап берді. Ербаянды әке-шешесі шетелде емдетуге қамданып жатыр,- деді журналист.

Еске салайық, бұған дейін Ербаян Мұхтарға қорғаныс министрлігі көмек көрсететінін мәлімдеген.