Махамбет ауданындағы Талдыкөл ауылының тұрғындарын эвакуациялау жалғасып жатыр, деп хабарлайды jambylinfo.kz Атырау облысы бойынша Төтенше жағдайлар жөніндегі жедел штабтың ақпаратына сілтеме жасай отырып.

Дереккөзіне сүйенсек, кеше ауылдың кіреберіс жолына тасқын су келе бастаған.

«Ауылдың 146 тұрғыны эвакуацияланды. Оның ішінде 91 бала, 5 студент, 55 қарт адам, 3 жүкті әйел және 4 мүмкіндігі шектеулі адам бар. Олардың барлығы APEC жоғары колледжінің эвакуация пунктінде орналасқан, - деп хабарлады Махамбет ауданының әкімдігі.