Су ресурстары және ирригация бірінші вице-министрі Болат Бекнияздің айтуынша, жаңа Су кодексіне су ресурстарын басқару органдарына су үнемдеу жоспарлары орындалмаған жағдайда жедел әрекет етуге мүмкіндік беретін бақылау функциялары енгізілді, -  деп хабарлайды Jambylinfo.kz

 Су нарығындағы көлеңкелі әрекеттермен күресу үшін өз бетінше суды пайдалануға жол бермеу және су объектілерінде су қорғау аймақтары мен белдеулерінде шаруашылық қызметті жүзеге асыруға тыйым салу талаптарын сақтау бойынша бақылау күшейтілді.

«Ауыл шаруашылығындағы тиімсіз шығындарды азайту мәселелері жеке блок ретінде қаралды. Сонымен қатар, су секторын климаттық өзгерістерге бейімдеу жөніндегі шаралар регламенттелген», - деді спикер.