Елордадағы түнгі клубта жазықсыз адамды пышақтаған қаскөй 9 жылға сотталды, деп хабарлайды jambylinfo.kz.

Бас прокуратура мәлімдегендей, түнгі клубта болған ерегіс шылым сұраудан шыққан. Мас күйдегі қылмыскер темекі беруден бастартқан бойда пышақ шығарып, ішкі органдарына айтарлықтай зақым келтірген. Абырой болғанда дер кезінде көрсетілген медициналық көмектің арқасында жәбірленуші аман қалған.

"Сотталушы кінәсін мойындамағанына қарамастан, мемлекеттік айыптаушы сотта оның кінәсін толық дәлелдеді.  Құқық бұзушы 9 жылға бас бостандығынан айырылды. Үкім заңды күшіне енді.  Прокуратура кез келген жанжалдың салдары тек әкімшілік жауапкершілікке ғана емес, қылмыстық жауапкершілікке де әкелетінін ескертеді",- деп жазылған ресми хабарламада.