Жамбыл облысы әкімдігінің мәдениет, архивтер және құжаттама басқармасының ұйымдастыруымен Елбасы Н.Ә.Назарбаевтың «Болашаққа бағдар: рухани жаңғыру», «Ұлы даланың жеті қыры» мақалалары аясында ғұлама, ойшыл, ақын, ағартушы, аудармашы Абай Құнанбаевтың 175 жылдығына орай 2020 жылдың 21-29 қыркүйек аралығында «Театр – өмір айнасы» атты халық театрларының облыстық фестивалі өтті. Аталған шараға 12 (он екі) халық театры қатысты. Қазылар алқасының шешімімен халық театрларының республикалық фестиваліне «Дулати жастары» студенттік халық театры (Тараз қаласы) фестивальден тыс қатысса, «Мыңбұлақ» халық театры (Жуалы ауданы) мен «Сарысу» халық театры (Сарысу ауданы) фестивальде бақтарын сынауға жолдамаға ие болды. Аталмыш халық театрларын Жамбыл облысы әкімдігінің мәдениет, архивтер және құжаттама басқармасы басшысының орынбасары Л.Сәрсембекұлы марапаттады.

Жамбыл Облысы Əкімдігінің Мəдениет Басқармасы