Желіде халық әртісі Роза Рымбаеваға қатты ұқсайтын жас өнерпаздың видеосы тарады, деп хабарлайды jambylinfo.kz.

Tik-Tok әлеуметтік желісіне жүктелген бұл бейнежазбаны екі жүз елу мыңға жуық адам көрген. Халықтың көбі видеодағы адамды Роза Рымбаевамен шатастырғандарын айтады. Бірақ, жазба авторының айтуынша, бұл – емтиханға дайындалып жүрген жас студенттің видеосы.

Кейін анықталғандай, бейнежазбадағы әртіс Жүргенов атындағы өнер академиясының 20 жастағы студенті Елдана Ғаниқызы болып шыққан.

«1-курс студенттерінің емтиханы. Еслям Нұртазиннің шеберханасы» деп жазған ол өз пародиясының астына.

Ал оның оқырмандары мен көрермендері талантына тәнті болып, халық әртісі Роза Рымбаеваның жолын тілеген.