21 желтоқсанда астрономдар мен жұлдызды аспанды сүйетіндер сирек кездесетін құбылысты – Сатурн мен Юпитердің «ұлы қосылуын» тамашалай алады. Мәскеу планетарийінде айтылған мәліметке қарағанда, бұл астрономиялық құбылыс соңғы рет жерден 794 жыл бұрын байқалған. Астрологтардың болжамынша, бұл құбылыс кешкі уақытта, шамамен 21.12.2020 жылы сағат 21:21-те көрінуі ықтимал. Сатурн мен Юпитер жарқын қос жұлдызға ұқсауы тиіс. Кейбір астрономдар Вифлеем жұлдызы туралы библиялық аңызда дәл осы екі планетаның бірігуі айтылатынын жоққа шығармайды. Юпитер – диаметрі 143,000 шақырым болатын Күн жүйесіндегі ең үлкен және Венерадан кейінгі жарық екінші планета, Сатурнға шамамен 20 жылда бір рет жақындайды. Бірақ екі алыптың ең үлкен көршілесуі бұл жолы бірнеше ғасырда бір рет болады. Вандербильт университетінің (АҚШ) астрономия профессоры Дэвид Вейнтрауб былай дейді: «Менің ойымша, мұндай оқиға адам өмірінде бір-ақ рет болуы мүмкін. Бұл – сирек әрі ерекше құбылыс», – деп атап өтті. Астрономдар әуесқой телескоптың көмегімен жақын планеталарды ғана емес, олардың кейбір серіктерін де көруге болады деп уәде береді. Ауа райы мүмкіндік берсе, оларды Күн батқаннан кейін бірден көруге болады. Егер 21 желтоқсанда ауа райы қолайсыз болса, онда сіз кейінірек қайталап көре аласыз: Юпитер мен Сатурн тағы бірнеше күн жақын қашықтықта болады. Сарапшылар бұл астрономиялық құбылыстың мәнін Күн айналасындағы планеталардың түрлі айналу жылдамдығында түсіндіреді: Юпитерге шамамен 12 жыл, Сатурнға 29 жылдан астам уақыт қажет. Әр 20 жыл сайын Жерден қарағанда планеталар бір-біріне жақындайтын сияқты. Шын мәнінде, олар бір-бірінен және Жерден де өте алыс: мысалы, 21 желтоқсандағы Сатурн планетамыздан Юпитерден екі есе алыс болады, атап айтқанда: неміс аэроғарыштық орталығының (DLR) мәліметтері бойынша 1,6 миллиард шақырым қашықтықта. Мамандар екі планетаның байланысын «күн тоқырауының жұлдызы» деп атайды, өйткені ол 21 желтоқсанда орын алады. Дүйсенбіде орта ендіктердегі күндізгі уақыт ең қысқа болады және жеті сағатты құрайды. Демек, ымырт басталғаннан кейінгі түннің ұзақтығы және 22 желтоқсанның таңы жылына ең ұзақ болады. Келесі қосылу –2080 жылдың 15 наурызы. massaget