ҚР ТСМ Туризм индустриясы комитетінің өкілі Нұрбол Байжановтың айтуынша, оқиғалық туризмді дамыту үшін Kazakhstan.travel порталы негізінде іс-шаралар күнтізбесі дайындалды, - деп хабарлайды Jambylinfo.kz 

2024 жылы бұл күнтізбеге 137 іс-шара енгізіліп, оның 80%-ы Астана мен Алматы қалаларында өткізілді. Министрлік бұл жұмыстарды жергілікті билік органдарымен бірлесе отырып, әрі қарай жалғастырмақ. Байжанов іс-шаралардың тұрғындар мен туристер үшін дәстүрге айналып, асыға күтетіндей болуы керектігін атап өтті. Осы мақсатта әр аймақта туристерді тартуға бағытталған ірі іс-шаралар өткізу аймақтық туризмді дамытудың тиімді жолы болады.