Тараз қаласының тумасы, блогер, әнші Мирас Жүгінісовтің продюсері «Taboo бағдарламасына»  сұхбат беріп, алғаш рет отбасы туралы айтты, деп жазады jambylinfo.kz. 

Әден Марғұланның айтуынша, ол ата-әжесінің бауырында өскен. Алтыншы сыныпқа көшкенде ата-анасының қолына, Тараз қаласына көшіп келген. Осы уақытта Әден Марғұлан туған әке-шешесімен тіл табыса алмай жүр.

«Мен атамның баласы болып өстім. Атамды өте қатты жақсы көрдім. Мен әке-шешемнің  қолына көшкенде қатты қиналдым. Тіпті әкеммен тіл табыса алмай, қиналатынмын. Себебі, әкемнің мінезі тұйық, көп сөйлемейтін кісі. Негізі көп ер балалар әкесіне етене жақын болмайды. Мысалы, Мирас әке-шешесінің қолында өсіп тәрбиеленсе де, әкесіне жақын емес. Бұған баланың ата-әжесінің бауырында өскені себеп емес", - деді ол.

Сондай-ақ блогер тұңғыш немерені ата-әженің тәрбиесіне беруге қарсы емес екенін айтып, бірақ әр бала ата-анасымен жақын рухани дос болу керегін тілге тиек еткен.