Құрбан айт – мұсылман жұрты үшін қасиетті де мағыналы мерекелердің бірі. Бұл күндері Жаратқанға жақындау мақсатында құрбан шалынатыны белгілі. Ал осы тұста жиі қойылатын сұрақтардың бірі – дүниеден өткен кісінің атынан құрбан шалуға бола ма?
Бұл мәселеге қатысты Қазақстан мұсылмандары діни басқармасының Шариғат және пәтуа бөлімі түсініктеме берді, - деп хабарлайды Jambylinfo.kz
Дүниеден озған адамның (марқұмның) атынан сауап ниетінде құрбан шалуға болады. Бірақ, мойнына құрбан шалу уәжіп болған кісі ең әуелі өз атынан құрбандық шалуға тиісті.
Әли (Алла оған разы болсын) біреуін өзі үшін, екіншісін Пайғамбарымызға (оған Алланың салауаты мен сәлемі болсын) атап екі құрбандық шалған. Бұның себебін сұраған кісілерге ол:
«Алланың елшісі (оған Алланың салауаты мен сәлемі болсын) кеудемде жаным бар кезде Өзі үшін құрбандық шалуымды өсиет еткен», – деп жауап берген.
Өлген адам үшін құрбан шалғысы келген адам оны құрбан айт күндері орындауы шарт. Құрбандық етінен құрбан шалған адамның өзі де, басқалар да жесе болады.
Егер құрбан шалуды қайтыс болған адам өсиет етсе, құрбандық етін оның мұрагерлері жей алмайды. Құрбандықты түгелдей кедей мен мұқтаждарға таратып беру керек.
Алдыңғы мақала
Ұқсас жаңалықтар
