Дарынды дзюдошы Әбиба Әбужақынова Қазақстанның еңбек сіңірген спорт шебері атағын алды, деп хабарлайды jambylinfo.kz.

«Дзюдодан Қазақстан әйелдер құрамасының үздігі. 48 кг салмақ дәрежесінде белдесетін Әбиба Әбужақыноваға Қазақстан Республикасының еңбек сіңірген спорт шебері жоғары дәрежелі атағы берілгенін қуана хабарлаймыз», - деп жазылған клубтың хабарламасында. 

Айта кетейік, Әбиба Әбужақынова – дзюдодан әлем чемпионатының екі дүркін қола медаль иегері, Grand Slam турнирінің жеті дүркін жүлдегері, Grand Prix рейтингтік турнирінің жеңімпазы, Азия чемпионатының екі дүркін күміс жүлдегері. Сондай-ақ ол Қазақстан әйелдер құрамасынан Париж Олимпидасында жолдама ұтып алған жалғыз балуан.