28 қаңтар күні Лондон қаласындағы «Emirates Stadium» стадионында УЕФА Чемпиондар лигасы аясында «Арсенал» – «Қайрат» матчы өтеді, деп хабарлайды Jambylinfo.kz 

Кездесу жергілікті уақытпен сағат 20:00-де басталады. Алматы уақыты бойынша ойын 29 қаңтарға қараған түні 01:00-де өтеді.

Матчқа арналған қонақ секторындағы билеттер Qairat SuperApp және Freedom SuperApp мобильді қосымшалары арқылы сатылуда. Билеттер қайтарылмайды.

Билет сатып алу немесе пайдалану кезінде сұрақтар туындаған жағдайда help@ticketon.kz электрондық поштасы арқылы хабарласуға болады.

Ағылшын Премьер-лигасының көшбасшыларына қарсы өтетін кездесуде қазақстандық жанкүйерлер «Қайрат» командасын стадионнан қолдай алады.