Париж Олимпиадасының алтын жүлдегері Елдос Сметов әлеуметтік желіде жазба қалдырды, деп хабарлайды Jambylinfo.kz

Жазбада ол Жамбыл жұртшылығының ғана емес, алты Алаштың мақтанышына айналған Жақсылық Үшкемпіров атасының арман-мақсатына қол жеткізгенін үлкен абырой санайтынын жеткізген.

• Қазақтың аты аңыз болған балуаны, батыры Жақсылық ағамыздың 44 жыл бұрын жеңіп алған алтын медалі және ағамыз осыдан 8 жыл бұрын бата беріп, сіздер тілекші болып Парижде қарсыласты жығып жеңіп, алып келген алтын медаль. Еліміздің еңсесін көтерер сәттер көп болсын, ұлдарымыз ұлықты, қыздарымыз биікте бола берсін,- делінген жазбада.