"Таза Қазақстан" акциясы аясында полиция қызметкерлері облыс орталығын абаттандыруға өз үлестерін қосты, - деп хабарлайды Jambylinfo.kz

Арнайы құрал-жабдықтармен жарақтанған полиция қызметкерлері аула мен ғимараттарға іргелес аумақты қоқыстардан тазартып, жаңадан отырғызылған ағаштарды суарды.

Ғазиз Байтасовтың "Халық Қаһарманы" ескерткіші орналасқан аллеяға ерекше назар аударылды. Полицейлер ескерткіштің айналасын және гранит ескерткіштің өзін тазартты.

Тәртіп сақшыларының айтуынша, мұндай іс-шаралар ұжымдағы моральдық-психологиялық ахуалды нығайтады және жақындастырады, көңіл-күйді көтеріп, облыс орталығын абаттандыруға үлкен үлес қосады.

Бұл күні сенбіліктер Полиция департаментінің барлық аумақтық бөліністерінде өткізілді.