Қазақ халқы - ежелден салт-дәстүріне, ұлттық ерекшеліктеріне ерекше мән берген. Халқымыздың салт-дәстүрі бүтін елдің, ағайын, туған-туыс, көршілер арасында жақсы қарым-қатынастың қалыптасуына және ынтымақтастықта өмір сүруіне жол ашқан.

Ата-баба салт-дәстүрін жалғастыру мақсатында таңертеңнен бастап облыс орталығы және аудандық мәдениет үйлерінде Ұлттық салт-дәстүрлерді кеңінен насихаттау, өскелең ұрпаққа дәріптеу жолында дәстүрлі іс-шаралар өтіп жатыр.

Сондай-ақ, бүгін білім беру ұйымдарында мерекелік марафон – халықтың кең тараған салт-дәстүрлерінің көрсетілімдері, кинотеатрларда ұлттық кино апталығы өтеді деп жоспарланған.

Бұған қоса, білім беру мекемелерінде «Наурыз нақыштары» атты облыстағы қолөнер шебелерінің көрмелері ұйымдастырылатын болады.