Жаңалықтар
Балтық елдері мен Польша ресейліктерді кіргізбейтін болды
- авторjambylinfo.kz
- 19 қыркүйек, 2022
- 330
Балтық елдері мен Польша ресейліктерді кіргізбейтін болды
Қолында жарамды Шенген визасы бар Ресей азаматтары дүйсенбі күні сағат 00:00-ден бастап Литваға кіре алмайды, деп хабарлайды ҚазАқпарат.
Литва Сеймінің 13 қыркүйектегі шешімі күшіне енді. Украинадағы оқиғаларға байланысты төтенше жағдай 15 желтоқсанға дейін ұзартылды, енді Ресей азаматтарының қолдарында жарамды визасы болса да, елге кіруге тыйым салынады.
Бұл норманы Польша мен Балтық жағалауындағы басқа елдер де қолдады. Сонымен бірге, Вильнюс аталған тыйымдардан тыс елге кіруге рұқсат етілетін Ресей азаматтарының санаттарын атады. Ол ресейлік дипломаттарға, оппозиция өкілдеріне, ЕО - ның басқа елдеріне тасымалдауды жүзеге асыратын компаниялардың қызметкерлеріне, сондай - ақ қоғамдастыққа мүше елдерде тұруға рұқсаты бар немесе мүше елдер азаматтарының отбасы мүшелеріне қатысты.
Литва Ішкі істер министрлігі жанындағы Мемлекеттік шекараны қорғау қызметінің мәліметі бойынша, тамыз айында Ресей Федерациясының 83 мың азаматы Балтық республикасының шекарасын кесіп өтті, оның ішінде Калининград облысына транзитпен өткендер де бар. Биылғы жылдың басынан бері Литваға 395 мың ресейлік келген, оның 180 мыңнан астамы транзитпен өткен. Шенген кодексінің талаптарын сақтамағандықтан 861 адам Литваға жіберілмеді.
Автор
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз
Келесі мақала
Қару-жарақ табылды
Ұқсас жаңалықтар
Жаңалықтар
Мектеп шыршадан құлаған мұғалімнің барлық шығынын өтейді
- авторИндира Тәліпқызы
- 17 қаңтар, 2025