Сот мәліметінше, Орал қаласының П. деген тұрғыны ҚР ҚК 121-бабы 4-бөлігіне сәйкес айыпты деп танылып, 20 жылға бас бостандығынан айыру жазасын қауіпсіздігі барынша жоғары қылмыстық-атқару жүйесі мекемесінде өтеуге сотталды. Ол сондай-ақ педагогикалық және кәмелетке толмағандармен жұмыс жасауға байланысты қызметтермен айналысу құқығынан өмір бойына айырылды. Сонымен қатар жәбірленушінің заңды өкілінің талап арызы ішінара қанағаттандырылып, сотталушыдан 7 млн теңге көлемінде моральдық өтемақы өндірілді. Сотта анықталғанындай, аталған тұрғын 2008 жылғы өгей қызының дәрменсіз күйін пайдаланып, сексуалдық сипаттағы зорлық-зомбылық әрекеттерін жасаған. П-ның кінәсі жәбірленушінің және заңды өкілдің, куәлардың, сарапшылардың айғақтарымен, беттестіру, оқиға орнын, заттар мен құжаттарды қарау хаттамаларымен және сараптама қорытындыларымен дәлелденген. Сот үкімі заңды күшіне енген жоқ.