Қытайға берілетін 1500 киік сол елдегі киік популяциясын қалыпқа келтіруге бағытталған, деп хабарлайды Jambylinfo.kz

Аталған шешімді Президент Қасым-Жомарт Тоқаев қабылдаған және жауапты министрлікке тапсырма жүктеген. 

Қазақстан Президенті Қасым-Жомарт Тоқаев Қытайда киік популяциясын қалпына келтіру мақсатында оларды Қытайдың батыс бөлігіне қоныстандыру үшін 1 500 киікті сыйға беру туралы шешім қабылдағанын мәлімдеді, – деп жазылған ресми хабарламада.

ҚХР төрағасы Си Цзиньпин бұл шешім үшін Қасым-Жомарт Тоқаевқа алғысын білдірді, себебі Қытай киік популяциясын қайта қалпына келтіруді жоспарлап отыр.

Қазақстанның Экология және табиғи ресурстар министрлігі бүгін осындай тапсырма түскенін және мәселені пысықтап жатқанын жеткізді.