Наурыз айында қалада 2 айлық сенбілік жарияланған. Содан бері Таразда әр сенбі тазалық жұмыстары жүргізіледі. Бүгін қала халқы сайманын ұстап, сайға түсті. Осылайша шаһардағы Сеңкібай, Түйте, Қапал арналары тазаланды. Қала әкімі Бақытжан Орынбеков былтырға қарағанда биыл шаһар тұрғындарының белсенділігі жоғары екендігін атап өтті.

• Қала тұрғындарының белсенділігін ерекше атап өту керек. Қала тазалығы барлығымызға ортақ іс. Сондықтан бұған қала тұрғындары мен әр мекеменің қызметкерлері белсенді қатысуы керек деп ойлаймын. Бірақ, байқағанымыздай қала тұрғындарының белсенділігі жоғары. Бүгінгі сенбілік негізі каналдарды тазалауға арналды,- деді Бақытжан Орынбеков