"Біз шабуылдың түп төркіні қайдан шыққанын білеміз, жіберілген хабарламаның астарын түсіндік. Сондықтан АҚШ елшілігінің көңіл айтуын қабылдамаймыз. Ешкімге опасыздық жасамайтын ел ретінде өзге елдердің опасыз әрекеттеріне төзбейміз. Истикляль көшесі біздің баламыздай ыстық. Егер біз қылмыскерді ұстамағанда, ол Грекияға қашып кететін еді", — деді министр жергілікті арна эфирінде.

Айта кетейік, кеше  Ыстанбұлдың орталық көшесінде болған жарылыстан 6 адам қаза тауып, 80-нен астам адам жарақаттанды. Көп ұзамай Түркия ІІМ басшысы Сулейман Сойлу жарылғыш зат қалдырған әйел адамды ұсталғанын мәлімдеді. ҚР президенті Қасым-Жомарт Тоқаев Режеп Тайип Ердоғанға көңіл айту жеделхатын жолдап, Ыстанбұл қаласындағы жантүршігерлік лаңкестік әрекеттің салдарынан жазықсыз адамдардың құрбан болғаны туралы хабарды терең күйзеліспен қабылдағанын жеткізді.