Бала зорлады деген күдікке ілінген AMANAT партиясы филиалының бұрынғы басшысы жәбірленуші баланың туысы екені белгілі болды, деп хабарлайды Jambylinfo.kz

Бұл туралы Жетісу облыстық Білім басқармасы мәлімдеді.

Бала зорлады деген күдікке ілінген AMANAT партиясының мүшесі Серікқан Жақыповтың ісіне қатысты мәліметтер белгілі болды. Оқиға 15 тамызда депутаттың үйінде болған. Ер адам жәбірленушінің туысы (әйелінің әпкесінің ұлы) болып шықты, – делінген Білім басқармасының хабарламасында.

Полицияға сорақы оқиғаны жәбір көрген 7 жасар баланың анасы хабарлаған. Білім басқармасының мәліметінше, жыныстық зорлық-зомбылық әрекеті Серікхан Жақыповтың Жансүгіров ауылындағы үйінде болған.