Олимпиада Чемпионы Елдос Сметов БАҚ өкілдерімен кездесуінде діни пікірін білдірді деп сынағандарға жауап берді, деп хабарлайды Jambylinfo.kz

Париж Олимпиадасында чемпион атанған Елдос Сметов қазір ел назарында. Осы орайда әлеуметтік желіде спортшының діни сарындағы әңгімелері кеңінен таралып, желі қолданушылары тарапынан сынға ұшырап жатыр. Jambylinfo.kz тілшісі осы бойынша Елдос Сметовтың пікірін сұрады. Ол өзі айтқан діни әңгімелерді уағыз деп санамайды. 

-    Бұл жерде жаман нәрсе айтылмаған сияқты. Уағыз форматында айтылған нәрсе емес. Бұл менің басымнан өтіп жатқан нәрсе. Мен соны бөлістім. Мен арнайы адамдарды жинап, сұқбат беріп, уағыз айтып отырған жоқпын. Тек отбасымның алдында жарыстан алған әсеріммен, қуанышыммен бөлістім. Мен ол жаман тәрбие, тәртіп деп ойламаймын. Басқа біреулердің шашын бояп, құлағын тескенінен гөрі, осындай әңгімелердің көбірек айтылғаны дұрыс деп ойлаймын,- деді Елдос Сметов.