Белгілі продюсер Баян Алагөзова соңғы уақытта әлеуметтік желіде көрінбей кетуінің себебін түсіндірді, деп хабарлайды Jambylinfo.kz 

Оның айтуынша, шетелден демалыстан оралғаннан кейін денсаулығы сыр беріп, сырқаттанып қалған. Қазір де толық айығып кетпегенін жеткізді.

– Достар, біраз уақыт бойы эфирге шықпай кеттім. Коронавирус жұқтырып, он күндей төсек тартып жаттым. Абай болыңыздар, вирус әлі де бар. Шынымды айтсам, мұндай қатты ауырғаным есімде жоқ. Белгісіз түріне ұқсайды. Өте ауыр өтті. Түркияда да ем қабылдадым. Қазір де әлсіздік сезіледі, – деді ол әлеуметтік желідегі парақшасында.