Соңғы он жылдағы тоқсандар ішінен мұншалықты төмен көрсеткіш алғаш рет тіркеліп отыр, - деп хабарлайды Jambylinfo.kz Azattyq Rýhy-на сілтеме жасап. 

Тек 2020 жылдың екінші тоқсанында (16,6 мың неке) пандемия шектеулерінің әсерінен бұдан да аз неке қиылған болатын.

Неке санының кемуі елдің барлық өңірінде байқалады. Түркістан облысында бұл көрсеткіш 19%-ға, ал Алматы қаласында 21%-ға азайып, республика бойынша жалпы көрсеткішке қатты әсер еткен.

Халық санына шаққандағы некелесу деңгейі – яғни жалпы некелесу коэффициенті – де құлдырап тұр. 2025 жылдың қаңтар-наурыз айларында бұл көрсеткіш 1000 адамға шаққанда 4,47 болды. Былтыр бұл сан 5,33 еді.

Аймақтар ішінде ең төменгі көрсеткіш Батыс Қазақстан облысында (3,72), ал ең жоғарысы Алматы облысында (5,26) тіркелді.