Жетісу облысы Панфилов ауданындағы жекеменшік балабақшалардың бірінде жаға ұстатарлық жағдай орын алды: тәрбиеші балаларды ұрып-соғып, қылқындырған. Ал, оның видеосын көрген аналардың бірі есінен танып қалған, деп хабарлайды jambylinfo.kz.

Видеода көрініп тұрғандай, тәрбиеші төсекте жатқан баланы тұншықтырған, жерде отырған балаларды ұрып-соққан. Баласының соққы алып жатқанын көрген аналардың бірі есінен танып қалған.

Жетісу облысы әкімдігінің баспасөз қызметі бұл балабақша он күнге жабылғанын хабарлады. Ал, балаларды ұрған екі тәрбиеші жұмыстан қуылған. Полиция депертаменті сотқа дейінгі тергеуді бастап, сот-медициналық сараптама тағайындаған.