Таразда газ жарылып, 11 жасар бала зардап жекті

51
Таразда жеке сектордағы тұрғынүйдің бірінде тұрмыстық газ жарылды.  Нәтижесінде, жерүйдің бір  бөлігі құлады.
Аталған үйге көгілдір отын орталықтандырылған жүйе арқылы берілген.
Оқиға салдарынан 11 жастағы баланы күйік шалып, ауруханаға жатқызылды. Дәрігерлер жеткіншектің жағдайын орташа ауыр дәрежеде деп бағалап отыр.
Оқиға орнында Төтенше жағдайлар департаменті 20 қызметкері және 4 бірлік техникасы, Апаттар медицинасы орталығы, Кезекші жедел тергеу тобы шұғыл қызметтер атқарды.
 

Кәмшат ҚАДЫР