Айта кетейік, бүгін кешке Жамбыл ауданы Жасөркен ауылында сел жүріп, отызшақты ауылдың ауласын су басқан. Облыс әкімі тұрғындарды тек ресми ақпаратқа сүйенуге шақырды.

“Қорқынышқа бой алдырмай, тек ресми дереккөздерге сенулеріңізді сұраймын. Облыстың барлық су қоймалары штаттық режимде жұмыс істейтінін, олардың толып кету қаупі жоқ екенін растаймын. Сондай-ақ, қазіргі уақытта төтенше жағдайлар департаментімен бірлесіп Жамбыл ауданы Жасөркен ауылында жұмыс жүргізіп жатқанымызды хабарлаймын”,-деді облыс әкімі.

Ербол Қарашөкеевтің айтуынша, оқиға орнында барлық жауапты мекемелер жұмыс істеп жатыр.

“Жағдай менің жеке бақылауымда”,-деп жазды облыс әкімі жеке парақшасына.