Қазақстан мен Жапония жалпы құны 3,7 млрд доллардан асатын 60-тан астам келісімге қол қойды
- авторБақытжан Бекболат
- Бүгін, 11:05
- 34
Президенттің Жапонияға сапары аясында сомасы 3,7 миллиард доллардан асатын 60-тан астам екіжақты құжатқа қол қойылды, деп хабарлайды Jambylinfo.kz
«Сауда-экономикалық және инвестициялық байланысты жандандыруға баса мән беру қажет.
Былтыр өзара сауданың көлемі шамамен 2 миллиард долларға жетті.
Қазақстан Жапония нарығына уран, сирек кездесетін металдар және мұнай жеткізеді.
Жапония – Қазақстан экономикасының негізгі инвесторларының бірі. Оның елімізге құйған қаржы көлемі 8,5 миллиард доллардан асты.
Қазақстан ұзақ уақыттан бері ірі жапон корпорацияларымен табысты қарым-қатынас орнатты. Біз елімізде еңбек етіп жатқан Жапонияның шағын және орта компанияларының қызметіне қолдау көрсетіп келеміз.
«Орталық Азия – Жапония» форматындағы бизнес форумында екіжақты байланыстарды жандандырып, жаңа инвестициялық жобаларды іске асыруда қажетті уағдаластықтарға қол жеткізетінімізге сенімдімін.
Жапонияға сапарымның аясында 60-тан астам екіжақты құжатқа қол қойылды. Оның ішінде сомасы 3,7 миллиард доллардан асатын коммерциялық келісімдер де бар», – деді Мемлекет басшысы.
Ұқсас жаңалықтар
Мемлекет басшысы Mitsui компаниясы директорлар кеңесінің төрағасымен кездесті
- авторСадуақас Айсұлу
- 19 желтоқсан, 2025
Қасым-Жомарт Тоқаев Жапонияның Премьер-министрі Санаэ Такаичимен келіссөз жүргізді
- авторМағжан Орынбасар
- 18 желтоқсан, 2025





