Облыс әкімдігінің ішкі саясат басқармасының үйлестіруімен мемлекеттік рәміздер жөніндегі облыстық комиссияның кезекті отырысы өтті, – деп хабарлайды Jambylinfo.

Отырыста ҚР Мемлекеттік Рәміздерінің пайдаланылуы және қолданылуына жүргізілген зерделеу жұмыстарының қорытындысы қаралды.

Зерделеу жұмыстары Жамбыл, Сарысу, Талас, Мойынқұм, Шу аудандарының жергілікті атқарушы органдар мен білім, мәдениет, денсаулық сақтау саласына қарасты 182 мекемеге жүргізілді.

Тексеріс барысында аудан әкімдіктерінің ішкі саясат, білім бөлімдерінің және полиция басқармаларының қызметкерлерінен арнайы инспекциялық топ құрылып, бірқатар кемшіліктер анықталды. Кемшіліктер бойынша дер кезінде түзету жұмыстары жүргізіліп, бірқатар лауазымды тұлғаларға әкімшілік айыппұл салынды.

Жиын соңында мемлекеттік мекеме және ұйым басшыларына латын графикасында «QAZAQSTAN» сөзімен жазылған мемлекеттік Елтаңбаларды ауыстыру жұмыстарын уақытылы аяқтау тапсырылды.