Турнирдің алғашқы айналымдарында ұлттық құраманың бірнеше өкілі рингке шығып, сенімді жеңістерге қол жеткізді, деп хабарлайды Jambylinfo.kz 

Сәкен Бибосынов (54 кг) өзінің алғашқы жекпе-жегінде Ботсванадан келген Катлего Кеорапецені айқын басымдықпен — 5:0 есебімен жеңіп, 1/8 финалға жолдама алды.

Сонымен қатар Даниал Сәбит те алғашқы кездесуінде қарсыласына еш мүмкіндік бермей, Кения боксшысы Кельвина Майнудан басым түсті.

Ал, 60 келі салмақ дәрежесіндегі 1/16 финалда Серік Теміржанов моңғолиялық Эрдэнэбат Цэндбаатардан басым түсіп, турнирдің келесі кезеңіне өтті.