Қордай аудандық мәслихат депутаты Гахарбек Мамбеталиев атом энергетикасы еліміхдің энергетикалық тәуелсіздігін нығайтуға ықпал ететінін айтты, деп хабарлайды  Jambylinfo.kz
Депутаттың сөзінше, АЭС технологиялық және тұрақты даму саласында көшбасшы болуға ұмтылатын ел үшін маңызды қадам.

-    Қазақстан экологиялық таза болашаққа бет бұруда және атом энергетикасы бұл процесте шешуші рөл атқарады. Атом электр станцияларының құрылысы елге қоршаған ортаны ластамайтын қауіпсіз және сенімді энергиямен қамтамасыз етуге мүмкіндік береді. АЭС қалдықтардың ең аз мөлшерін шығарады, көмірқышқыл газын шығармайды және тұрақты энергиямен қамтамасыз ете отырып, тәулік бойы жұмыс істей алады. Бұл таза технологиялар мен тұрақты даму саласында көшбасшы болуға ұмтылатын ел үшін маңызды қадам. Атом энергетикасы Қазақстанға өзінің энергетикалық тәуелсіздігін нығайтуға және климаттың өзгеруіне қарсы жаһандық күреске елеулі үлес қосуға көмектеседі,- деді аудандық мәслихаттың депутаты