Жамбыл облысы, Тұрар Рысқұлов ауданында екі ер адам зираттың темір қоршауын ұрлау кезінде ұсталды, деп хабарлайды Jambylinfo.kz

Аталған дерекке қатысты ҚР ҚК-нің «қылмысқа оқталу» және «адамдар тобымен алдын ала сөз байласу арқылы жасалған ұрлық» баптарымен қылмыстық іс қозғалған.

• Күдіктілер 33 жастағы Жамбыл ауданының және 34 жастағы Байзақ ауданының тұрғындары екені анықталды. Тергеу барысында күдіктілердің бұрын жасалған Талас ауданы маңындағы зират қоршауларын ұрлау дерегіне қатыстылығы белгілі болды,- делінген хабарламада.

Қазіргі уақытта олардың басқа да осыған ұқсас қылмыстарға қатыстылығы анықталып, сотқа дейінгі тергеу амалдары жалғасып жатқаны белгілі болды.