Талас ауданындағы тұрғындарды сан соқтырған алаяқ Түркістанда ұсталды, деп хабарлайды Jambylinfo.kz.

Жамбыл облысы прокуратурасының үйлестіруімен облыстық Полиция департаментінің қызметкерлерімен Түркістан облысының аумағында жедел-іздестіру іс-шаралары барысында Қылмыстық кодекстің 190-бабы (Алаяқтық) бойынша іздеуде жүрген «Д.Г.» есімді азаматша ұсталды.

Аталған азаматша Жамбыл облысының Талас ауданында жергілікті тұрғындарды алдау арқылы бірқатар мүліктік қылмыстар жасаған. Оның заңсыз әрекеттері салдарынан жәбірленушілерге 2 миллион теңгеден астам материалдық шығын келтірілген.

• Күдікті өз кінәсін мойындап, оған қатысты  «қамауда ұстау» бұлтартпау шарасы таңдалды. Қазіргі уақытта Талас аудандық полиция бөлімінде Қылмыстық кодекстің 190-бабының 3-бөлігі бойынша сотқа дейінгі тергеу амалдары жүргізілуде. ҚПК-нің 201-бабына сәйкес, сотқа дейінгі тергеу мәліметтері жариялауға жатпайды,- делінген ресми хабарламада.