Жамбыл облыстық көп бейінді ауруханасы базасында «Дұрыс тамақтану» орталығы ашылды. Коронавирустан кейінгі пациенттерге ағзаны қалпына келтіруге, дәрумендер пайдалалануға, күрделі оталардан кейінгі науқастарға ем-дәм түрлерін таңдауға көмек беретін мұнда диетолог, кардиолог, терапевт, гастроэнтеролог сынды дәрігерлер ақыл-кеңестер беретін болады. Сондай-ақ, салауатты өмір салтын қалыптастыруға, тиімді де дұрыс тамақтану туралы бейнероликтер көрсетіліп, бұл туралы түсінікті жазылған буклеттер де алуға болады. Мамандар медицина қызметкерлерінен бастап емделушілерге және олардың туыстарына тамақ әзірлеу ережелері, үлгі мәзірлер мен рецепт бойынша ұсыныстар беру, дұрыс тамақтану жолдарын түсіндіріп отыратын болады. Халықаралық даму институтының мәліметінше, жер бетінде 1 миллиардтан астам адам артық салмақтан зардап шегеді. Облыстық денсаулық сақтау басқармасының басшысы Әсет Қалиевтің айтуынша, көпшілікке, алдымен, дәрігерлер үлгі болуы тиіс. Әрбір адам тамақты талғап ішкені жөн. Құнары аз, сапасыз азық-түлік, түрлі жасанды қоспалары бар тағамдар мен сусындар адам денсаулығына зиян. Дұрыс тамақтанбаудың соңы түрлі аурулардың пайда болуына әкеліп соғады. Ал салауатты өмір салтын ұстанбаған адам - семіздік дертіне шалдығады. Өлім-жітім себептерінің ішінде семіздік - бесінші орын алады екен. Медицина артық салмақтың адам өмірін 7 жылға қысқартатындығын дәлелдеді. Мамандардың айтуынша, бүгінде балалар мен ересектердің 80 пайызы дұрыс тамақтанбайды. Соның салдарынан тұрғындар арасында ас қорыту жүйесінің бұзылуы, ішек құрылысының қабынуы және асқазан жарасы, қант диабеті, жүрек-қантамыр ауруларына шалдығушылар қатары көп. Дұрыс тамақтану дегеніміз - адамның өсуін, қалыпты дамуын және өмірлік белсенділігін қамтамасыз ететін, оның денсаулығын нығайтуға және аурулардың алдын алуға ықпал ететін тамақтану. Тұрақты жаттығулармен бірге дұрыс тамақтануды ұстану, созылмалы аурулар мен семіздік, жүрек-қан тамырлары аурулары, қант диабеті және қатерлі ісік сияқты аурулардың пайда болу қаупін азайтады. Дұрыс тамақтану - олардың жынысын, жасын, жұмыс сипатын және климаттық өмір жағдайларын ескере отырып, адамдардың құнды физиологиялық тамақтануы. Денсаулықты, жұмыс қабілеттілік пен белсенді ұзақ өмір сүруді сақтау үшін оның ерекше маңыздылығы ағзаға барлық қажетті заттарды толық және тұрақты жеткізу болып табылады. Оларды жүйелі түрде, толық жиынтығында және дененің физиологиялық қажеттіліктеріне сәйкес келетін мөлшерде қабылдау керек. Қазіргі заманғы адам диетаны монотонизациялау, әртүрлілікті жоғалту, өнімдердің бірнеше негізгі топтарының тар стандартты жиынтығына және дайын тағамға түсу нәтижесінде қажетті заттарды жеткілікті мөлшерде тұтынатын емес; тазартылған, жоғары калориялы, бірақ дәрумендер мен минералдары кем тағамды тұтынудың жоғарылауы (ақ нан, макарон және кондитерлік өнімдер, қант, алкогольдік ішімдіктер, тұз және т.б.); консервіленген, ұзақ уақыт сақталған және қарқынды өңделген рациондағы тағамдар үлесінің артуы, бұл дәрумендердің едәуір жоғалуына әкеледі, сонымен қатар семіздік, қантты диабет, анемия, жүрек-қан тамырлары аурулары дамитын болады. Бүгінде улы және организмде жинақталатын қасиетке ие транс майлар (маргарин, спред) бірқатар белгілі қауіп төндіреді: стресс, атеросклероз, жүрек ауруы, қатерлі ісік, иммунитеттің әлсіреуі және т.б. ДДҰ мәліметтері бойынша, қазіргі кезде жүрек-қан тамырлары аурулары халықтың өлім-жітімінің негізгі себептерінің бірі болып табылады. Мамандар бұл патологиялық жағдайлардың негізгі себебін дұрыс тамақтанбау деп атайды.   Жамбыл облысы әкімдігі денсаулық сақтау басқармасының баспасөз қызметі