сенбі, 22 маусым, 2024 13:51

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Таразда полицей суға кеткен балаға 10 минут бойы массаж жасап, сәбиді ажалдан құтқарды (ВИДЕО)

Таразда полицей суға кеткен балаға 10 минут бойы массаж жасап, сәбиді ажалдан құтқарды (ВИДЕО)
Сурет: jambylinfo.kz
Айша бибі көшесінің бойында мектеп жанындағы ағып жатқан каналға 2 жасар бала құлап кеткен

Тараз қаласында Боран-3 автоэкипажы өзіне бекітілген аумақты патрульдеп жүрген. Сол сәтте рация бойынша кезекшіден шұғыл шақырту түсіп, Айша бибі көшесінің бойында мектеп жанындағы ағып жатқан каналға 2 жасар бала құлап кеткені туралы ақпарат жеткен, деп жазады jambylinfo.kz. 

Полиция бірнеше минут ішінде шақырту орнына келген. Ол кезде өтіп бара жатқан бір адам баланы ес-түссіз күйде судан шығарып алған. Жедел медициналық көмек бригадасы келгенше, полиция қызметкері 10 минут бойы жүрек-өкпе реанимациясын жүргізген. 

«Бала демала алмай жатса да, мен соңына дейін күрестім. Бізге үйреткендей, тоқтаусыз жүрекке массаж жасадым. Көрер жарығы бар екен, өкпеден су шықты. Нәресте дем ала бастады», - деді Тараз қаласы ПБ патрульдік полиция батальонының инспекторы Дәурен Колқаев.

Бала облыстық балалар ауруханасында, оның өміріне қауіп төніп тұрған жоқ.

 

jambylinfo.kz
Автор

jambylinfo.kz

Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз

Ұқсас жаңалықтар