жексенбі, 26 мамыр, 2024 11:25

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Таразда шомылу маусымына дайындық қалай жүріп жатыр

Таразда шомылу маусымына дайындық қалай жүріп жатыр
Сурет: gov.kz
Құзырлы мекемелер күнде рейд өткізеді

Жаздағы шомылу маусымының басталуына да санаулы күндер қалды. Тараз қаласы төтенше жағдайлар басқармасының бастығы Ербол Әміров жазғы демалыс кезінде (шомылу маусымы) кәмелетке толмағандарға қатысты оқыс оқиғаларды болдырмау үшін алдағы уақытта атқарылатын жұмыстар туралы айтты, деп хабарлайды jambylinfo.kz.

 Ербол Әміров өткен жылы атқарылған жұмыстарға тоқталып, алдағы шомылу маусымына дайындық турасын сөз етті. 

"2023 жылы 1 маусым мен 31 тамыз аралығында ересектер мен жасөспірімдердің судағы қауіпсіздігіне арналған бірқатар іс-шаралар орындалды. Атап айтқанда, Тараз қаласы аумағында 102 рейдтік жұмыс жүргізіліп, 2500-ге жуық жадынама таратылды. Ал, биылғы шомылу маусымы кезінде Талас өзенінің жағасына ескерту мазмұнды билбордтар орнату, көпбалалы және жағдайы төмен отбасылардың балаларына жекеменшік бассейндерге жеңілдік беру, күнделікті рейдтік іс-шараны құтқарушылармен бірге кезекшілікке жергілікті полиция және білім бөлімінің қызметкерлерін қосып өткізу көзделіп отыр. "Жеңіс" саябағында орналасқан жүзу құралдарын жалға беру орындарын ескерту тақтайшаларымен, медициналық пунктпен жабдықталады,- деді Ербол Әміров.

Төтенше жағдайлар басқармасының басшысы атап өткендей, ата-аналарға балалардың қауіпсіздігін қатаң бақылауда ұстауды ескертті.

Индира Тәліпқызы
Автор

Индира Тәліпқызы

jambylinfo.kz сайтының авторы

Ұқсас жаңалықтар