Жамбыл облысы Тараз қаласында 2012 жылы және 2014 жылы туған екі қыз суға батып кете жаздады. Абырой болғанда, рейдке шыққан құтқарушы Айдос Әбілда екі баланы да аман алып қалды, деп хабарлайды jambylinfo.kz.

«Тараз қаласында жедел-құтқару жасағының құтқарушысы Айдос Әбілда демалушылар арасында рейдтік алдын алу жұмыстарын жүргізу кезінде 2012 және 2014 жылы туған екі қыз баланы құтқарды. Балалар демалыста әкесімен бірге жүрген», - деп хабарлады Төтенше жағдайлар министрлігі.

Естеріңізге сала кетейік, бұған дейін біз Таразда суға шомылуға болатын және суға шомылуға болмайтын орындардың тізімін жариялаған болатынбыз.