Жуалы аудандық «Жаңа өмір» – «Новая жизнь» қоғамдық-саяси газетінің бас редакторы болып Марат Құлибайұлы Құлибаев тағайындалды,- деп хабарлайды Jambylinfo.kz

Марат Құлибайұлы 1975 жылы 21 ақпанда Жуалы ауданындағы Бақалы ауылында туған. М.Х. Дулати атындағы Тараз мемлекеттік университетінің – филология және журналистика факультеттерін бітірген.

Еңбек жолын С.Сейфуллин атындағы орта мектепте мұғалім болып бастап, директордың оқу ісі жөніндегі орынбасары, облыстық «Ар-Ай»  газетінде жауапты хатшы, Жуалы аудандық «Жаңа өмір»  қоғамдық-саяси газеті ЖШС директор-бас редакторының орынбасары, Жамбыл облыстық «Ақ жол» газетінде тілші, бөлім меңгерушісі, «AULIEATA-MEDIA ЖШС қарасты облыстық «Aq jol» газетінде жауапты хатшы, аға тілші болып жұмыс істеген.

 Оқырманға ол «Мейірім», «Апамның аялы алақаны», «Қолқанат» атты  әңгімелер жинақтары мен «Жұлдызы биік Жуалы» атты тарихи-танымдық кітабтары арқылы таныс. Марат Құлибайұлы Қазақстан Журналистер одағының мүшесі. Ақпарат саласының үздігі.