жексенбі, 23 маусым, 2024 13:55

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

«Жаңа пән қосылды». Жамбылдық оқушылар жаңа оқу жылында жол қозғалысы ережелері сабағын оқиды

«Жаңа пән қосылды». Жамбылдық оқушылар жаңа оқу жылында жол қозғалысы ережелері сабағын оқиды
Сурет: jambylinfo.kz
Жаңа сабақты 1-4 сынып оқушылары оқиды

Бұл туралы облыс әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның отырысынды айтылды, деп хабарлайды jambylinfo.kz.

Кеңесте жазғы кезеңде балалардың қауіпсіздігін қамтамасыз ету мәселелері, «Бестерек» жобасының қорытындылары, жазғы сауықтыру лагерлерінің қызметі бойынша сұрақтар қарастырылды.

Полиция департаменті бастығының бірінші орынбасары кәмелетке толмағандар арасындағы құқық бұзушылықтың, қараусыз және панасыз қалудың алдын алу, олардың құқықтары мен заңды мүдделерін қорғау саласындағы мүдделі органдардың қызметін үйлестірудің маңыздылығын атап өтті.

Білім басқармасының басшысы Рауан Садырқұловтың баяндамасын тыңдап, комиссия келесі оқу жылы басталғанға дейін барлық педагог-психологтар үшін арнайы курстар ұйымдастыруды ұсынды. Сондай-ақ білім беру мекемелеріндегі медицина қызметкерлерінің қызметіне мониторинг жүргізілетін болады.Оқу бағдарламасына 1-4 сынып оқушыларына арналған «Тіршілік қауіпсіздігі негіздері», 5-8 сынып оқушыларына арналған «Жол қозғалысы Ережелері» бағдарламасы енгізіледі.
Балалардың жазғы демалысын ұйымдастыру туралы айта отырып, Полиция департаментімен бірге лагерьлердің күзет қызметінің жұмысын жандандыру туралы шешім қабылданды.

Мүдделі тараптар бірлесіп 9-сыныптан кейін колледждерге түскен және қазір NEET санатына жататын түлектердің тізімін жасайды. Оларды әлеуметтендіру және жұмысқа орналастыру жөнінде шаралар қабылданатын болады. Сондай-ақ балалардың жолда жарақаттануының алдын алу шаралары зерделенді. Барлық мүдделі тараптардың қатысуымен жергілікті жедел-алдын алу іс-шараларын жүргізу тапсырылды.

Жақсыбек Алина

 

jambylinfo.kz
Автор

jambylinfo.kz

Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз

Ұқсас жаңалықтар