Жамбыл облысы аумағында барлық жолдар ашылды, деп жазады Jambylinfo.kz

Ауа райының нашарлап, қалың қар мен желдің күшеюі салдарынан жолдың көрінуінің шектелуіне байланысты 8 қаңтар сағат 20.00-ден бастап жаңа Қордай асуында барлық көліктер үшін жол жабылғанын полиция департаменті хабарлаған еді. Атап айтқанда, «Алматы-Ташкент-Термез» тас жолының 159-шақырымынан (Отар ауылы) 238-шақырымына дейін (Қайнар ауылы).

Көлік құралдары Тараздан Алматы қаласына ескі Қордай асуы арқылы өткізілген.

Дегенмен, қазір облыс аумағындағы барлық жол ашылды.  

• Жамбыл облысының Полиция департаменті көлік жүргізушілеріне аса қажеттілік болмаған жағдайда алыс жолға шықпауды ескертеді!,- делінген хабарламада.