2025 жылы халықтың әлеуметтік осал топтары үшін жалға берілетін тұрғын үй сатып алуға республикалық бюджеттен 21,5 млрд теңге бөлінді. Жоспар бойынша 1 415 пәтер сатып алынбақ, деп хабарлайды Jambylinfo.kz 

Бүгінгі күнге дейін республикалық бюджет есебінен 50 пәтер (Байзақ ауданында – 30, Қордай ауданында – 20) сатып алынды. Қосымша 48 пәтер (Меркі – 30, Жамбыл ауданы – 18) сатып алу конкурсына ұсынылды.

Қазіргі таңда 1 127 пәтердің құрылысы жүріп жатыр, ал 190 пәтердің құрылысы әлі басталмаған (оның ішінде 10 пәтер – республикалық бюджет, 180 пәтер – облигация есебінен).

Мамандардың айтуынша, биылғы тұрғын үй бағдарламасы өңірдегі баспанаға мұқтаж аз қамтылған отбасылардың тұрғын үй жағдайын едәуір жақсартуға мүмкіндік береді.