Жамбыл облысында Тұңғыш Президент күні атап өтілді Жамбыл облысының Полиция департаментінде ІІО ардагерлері мен жеке құрамның қатысуымен Қазақстан Республикасы Тұңғыш Президенті күніне арналған салтанатты жиналыс өтті. Бұл туралы Жамбыл облысы Полиция департаментінің бастығы полиция генерал-майоры Жанат Сүлейменов Facebook-тегі парақшасында хабарлады. ⁃ Тұңғыш Президент күні-үлкен тарихи маңызы бар бүкілхалықтық мереке. Бұл күн біздің әрқайсымыз мемлекетіміздің нығаюы мен дамуына зор үлес қосуымыз керек - деп атап өтті Жанат Сүлейменов. Мерекеге орай қызметтік міндеттерін үлгілі атқарғаны және кәсібилігі үшін бірқатар полиция қызметкерлері Құрмет грамоталарымен, төсбелгілермен, алғыс хаттармен марапатталды, бірнеше полицейлерге кезекті атақтар берілді. Іс-шара барысында қатысушылар Тұңғыш Президент туралы фильм көрді.